» » Меҳр нури ёғар доим, кўзингиздан, Устозлар!

Меҳр нури ёғар доим, кўзингиздан, Устозлар!

Меҳр нури ёғар доим, кўзингиздан, Устозлар!               ЎҚИТУВЧИМ

     Синфимизнинг раҳбари,

     Бизга очиқдир бағри.

     Устозларнинг аълоси,

     Мактабимиз зиёси.

     Биз учун ҳар нарсага шай,

     Устозимдан айланай.

     Тинмай меҳнат қилади, 

     Уч-тўрт тилни билади.                                                    

     

     Ойтўра АКТАМОВА,

     5- мактаб ўқувчиси.

 

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - 

                    

               УСТОЗИМ

 

 

Кўҳна тарих варақларин титдингиз,

           Мағрур туриб рўйи-ростин айтдингиз,

           Ғаламислар тошлар отди ютдингиз,

           Дилга армон жойлаб кетган устозим.

           Оғир кунлар ёдга олиб тангрини,

           Эъзоз этиб қадим ўзбек қадрини,

           Тополмайин устозининг қабрини,

           Чўлпонини излаб кетган устозим.

           Қарға қолиб булбул учди боғлардан,

           Бургутини сайёд қувди тоғлардан,

           Устозимни асрай дея зоғлардан,

           Усмонини излаб кетган устозим.

           Сиз кетдингиз Кумуш ҳоли не кечди,

           Сиз кетдингиз гуллар қандай юз очар,

           Қизғалдоқлар қабрингизда ҳилпирар,

           Қизларини сизлаб кетган устозим.

           Она қолди сочлари оқ, яна оқ,

           Одамзотдан қачон тўйган бу тупроқ,

           Шеър ёздингиз ўламан деб олдинроқ,

           Ўлимини куйлаб кетган устозим.

           Менку сизнинг шеърларингиз қулиман,

           Хатирчилик бир деҳқоннинг ўғлиман,

           Суратингиз маъюс қараб турибман,

           Дилим вайрон қилиб кетган устозим.

           Мен шоирмас, қалбдаги бир ноламан,

           Оддийгина бир ўзбеги боламан,

           Сизни ўқиб балки шоир бўламан,

           Қалбимга чўғ солиб кетган устозим.

  

Исмоил ХОЛБОЕВ

 

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 

 

              УСТОЗИМ

 

Баҳорнинг ҳар битта очилган гули,

           Устоз менга фақат эслатар сизни.

           Қишнинг пахтадайин оппоқ қорлари,

           Бизга меҳр берган юрагингизни.

           Ёзнинг ҳар бир пишган ширин меваси,

           Асалдан ҳам ширин сўзларингизни.

           Кузнинг тўлиб оққан тиниқ сувлари,

           Шишадан ҳам тиниқ соф қалбингнизни.

           Тўртта фаслнинг ҳам нурли қуёши,

           Бизга кулиб турган гул юзингизни.

           Бахтига соғ бўлинг биз болаларнинг,

           Байрам билан қутлаймиз устозим сизни.

 

Гулзира ШОМУРОДОВА,

          35- мактабнинг ўқувчиси.

 

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

 

    КОЛЛЕЖ ОСТОНАСИДА

 

Мен учун очилар бугун бир олам,

У қандай билмайман дилда ҳаяжон.

Коллежга қадамим қўяман бугун,

Сен мени дуо қил, қўлла аяжон.

Устозни отамдек авлиё билиб,

Унинг дуоларин оламан ишон.

Коллежнинг тупроғин кўзимга суртиб,

Кўксига юлдуздан тақайин нишон.

Тилагим амалга оширмоқ учун,

Оллоҳдан сўрагин, мени қўлласин.

Толеъдан сўрагин, илҳомим учун,

Илҳом фариштасин менга йўлласин.

 

Манзура ИСЛОМОВА,

Педагогика ва хизмат кўрсатиш коллежи талабаси

 

"Хатирчи ҳаёти" газетасидан олинди

 

 

 



 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

              

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Муаллиф:info,  Кушилган сана: 29.09.2014,   Кўрилган: 4275   Чоп этиш
Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.