» » ТИББИЁТ БРИГАДАЛАРИ ТИББИЙ ХАРИТА АСОСИДА ИШЛАЙДИ

ТИББИЁТ БРИГАДАЛАРИ ТИББИЙ ХАРИТА АСОСИДА ИШЛАЙДИ

 

 

Бугун вилоят ҳокими Қ.Турсунов Хатирчи туман тиббиёт бирлашмасида соҳа вакиллари билан учрашди.

Очиқ мулоқот тарзида ўтказилган йиғилишда Ўзбекистон Республикаси Президентининг “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида”ги Фармони ҳамда “Тиббий профилактика ишлари самарадорлигини янада ошириш орқали жамоат саломатлигини таъминлашга оид қўшимча чора-тадбирлар тўғрисида"ги, “Аҳолининг соғлом овқатланишини таъминлаш бўйича қўшимча чора-тадбирлар тўғрисида”ги қарорлари ижросини таъминлаш масалалари кўриб чиқилди.

Соҳада туб ислоҳотлар ўтказишга қаратилган Фармон ва қарорларни ҳаётга тадбиқ этилишида ҳар бир тиббиёт ходимининг масъуллигини, қишлоқ оилавий поликлиникалари шифокорлари, ўрта тиббиёт ходимлари, патронаж ҳамшираларини бу борадаги билим ва кўникмаларини ошириш лозимлиги таъкидланди.

Йиғилишда туман тиббиёт бирлашмаси фаолияти танқидий, таҳлилий ўрганилиб, ҳудудларда тиббий хизмат даражасини янада яхшилаш, мавжуд камчиликларни қисқа муддатларда баратараф этиш чоралари белгиланди.

Muallif:admin,  Qo‘shilgan sana: 25.11.2020,   Ko‘rilgan: 55   Chop etish
Siz maqolada xatoni uchratgan bo‘lsangiz, unda xato matnni belgilab, CTRL + ENTER tugmasini bosing va sayt ma'muriga xabarnoma jo‘nating.