РЕЙТИНГ КЎРСАТКИЧЛАРИ – КУН ТАРТИБИДА

Халқ депутатлари Хатирчи туман Кенгашининг навбатдаги ўн саккизинчи сессияси бўлиб ўтди.

Сессияда Ўзбекистон Республикаси Энергетика вазирлиги махсус штаби бошлиғи ўринбосари Акмал Жўраевич Эшонқуловнинг куз-қиш мавсумида истеъмолчиларни энергия ресурслари билан таъминланиши бўйича олиб борилаётган ишлар тўғрисидаги ахбороти тингланди.

Кун тартибида доимий комиссия раиси М.Саидаҳмедованинг Ўзбекистон Республикаси Президентининг 2020 йил 6 ноябрдаги “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги ПФ-6108-сонли Фармонининг тумандаги ижроси ҳақидаги маърўзаси тингланди.

Ўзбекистон Республикасининг “2020 йил учун Ўзбекистон Республикасининг давлат бюджети тўғрисида”ги Қонунига асосан туман маҳаллий бюджети қўшимча манбаларининг белгиланган миқдорини жамоатчилик фикри асосида шакллантириладиган тадбирларни молиялаштиришга ҳамда ижтимоий ҳимояга муҳтож аҳолини қўллаб-қувватлашга йўналтириш борасида туманда амалга оширилган ишлар тўғрисида туман молия бўлими бошлиғи Ж.Қаҳҳоров ҳисобот берди.

Туман ҳокимининг биринчи ўринбосари В.Авлонов томонидан2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Илм, маърифат ва рақамли истисодиётни ривожлантириш йили” да амалга оширишга оид давлат дастурининг тумандаги ижроси ҳақида батафсил маълумотлар берилди.

Туман ҳокими Ғофир Қувватович Алиев томонидан Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг “Ҳудудларни ижтимоий-иқтисодий ривожлантиришни рейтинг баҳолаш тизими устидан парламент назоратини ташкил этиш тўғрисида”ги 2020 йил 30 октябрдаги 528-IV/ҚҚ-145-IV-сонли Қўшма қарорининг тумандаги ижроси сессия кун тартибида кўриб чиқилди.

Шунингдек, сессияда Ўзбекистон Президенти Ш.Мирзиёев раислигида 2020 йил 8 октябрь куни жамиятда аёллар ва ёшларнинг ролини ошириш ҳамда бандлигини таъминлаш чора-тадбирлари муҳокамаси юзасидан ўтказилган видеоселектор йиғилишида ҳудудларда “Ёшлар дафтари” ва “Аёллар дафтари”ни шакллантириш бўйича белгилаб берилган вазифалар ижроси ҳамда бу борада масъуллар томонидан амалга оширилаётган ишлар ҳисоботи депутатлар эътиборига ҳавола қилинди.

Кун тартибидаги масалалар муҳокама қилиниб, тегишли қарорлар қабул қилинди. Сессияда туман корхона ва ташкилотлари раҳбарлари, оммавий ахборот воситалари вакиллари иштирок этишди.