» » » 12.11.2014 Участка сайлов комиссиялари тузилди

12.11.2014 Участка сайлов комиссиялари тузилди

12.11.2014  Участка сайлов комиссиялари тузилди   Ўзбекистон Республикасининг “Ўзбекистон Республикаси Олий Мажлисига сайлов тўғрисида”ги Қонунининг 8-моддасига асосан 37-Хатирчи округ сайлов комиссиясининг 2014 йил 20 октябрдаги қарори билан 37-Хатирчи сайлов округи бўйича 51 та участка сайлов комиссиялари тузилди.

Участка сайлов комиссиялари ўз фаолиятини сайлов тўғрисидаги қонунларга ҳамда участка сайлов комиссиясини тузиш ва уларнинг ишини ташкил қилиш тартиби тўғрисидаги Низом асосида амалга оширади.

 

Низомда қайд этилганидек участка сайлов комиссиясининг асосий вазифалари қўйидагилардан иборат:

- участка бўйича сайловчилар рўйхатини тузади;

- сайловчиларни сайловчилар рўйхати билан таништиради, рўйхатда йўл қўйилган -хатолар ва ноаниқликлар тўғрисидаги аризаларни қабул қилади ва кўриб чиқади ҳамда рўйхатга тегишли ўзгаришлар киритиш  тўғрисидаги масалани ҳал этади;

- сайлов куни ўз турар жойида бўлиш ва овоз беришда иштирок этиш имкониятига эга бўлмаган сайловчилардан конвертларни қабул қилиб олади;

- аҳолини сайлов куни ва овоз бериш жойи тўғрисида хабардор этади;

- овоз бериш бинолари ва сайлов қутилари ҳамда бошқа сайлов ашёлари тайёрлаб қўйилишини таъминлайди;

- сайлов куни сайлов участкасида овоз беришни ташкил этади; 

- сайлов участкасида берилган овозларни ҳисоблаб чиқади;

- сайловга тайёргарлик куриш ва овоз беришни ташкил этиш масалалари юзасидан тушган ариза ва шикоятларни кўриб чикади хамда улар юзасидан қарорлар кабул килади;

- ушбу Қонун ва бошқа қонунларга мувофиқ ўзга ваколатларни амалга оширади.

       Участка сайлов комиссияси аъзолигига номзодлар халқ депутатлари туман, шаҳар Кенгашларининг мажлисларида муҳокама қилинади ва тегишли округ сайлов комиссиясига тасдиқлаш учун тавсия этилади. Участка сайлов комиссиясининг аъзолари жамоатчиликнинг обрўли вакиллари орасида тайинланади.

       Участка сайлов комиссиясининг раиси, раис ўринбосари, котиби ва бошқа аъзолари сиёсий партиянинг аъзоси бўлишлари мумкин эмас. Депутатликка номзодлар сайлов комиссияларига аъзо бўлишлари мумкин эмас.

     Участка сайлов комиссиясининг аъзосини ваколатларидан маҳрум этиш ҳуқуқи комиссияни тузган округ сайлов комиссиясига тегишли бўлиб, комиссия аъзоси Ўзбекистон Республикасининг “Ўзбекистон Республикаси Олий Мажлисига сайлов тўғрисида”ги Қонуни талабларини бузган ёки ўз вазифаларини мунтазам равишда эътиборсиз қолдириб келган тақдирда ваколатларидан маҳрум этилади.

Муаллиф:info,  Кушилган сана: 12.11.2014,   Кўрилган: 740   Чоп этиш
Агарда Сиз мақолада хатони учратган бўлсангиз, унда хато матнни белгилаб, CTRL + ENTER тугмасини босинг ва сайт маъмурига хабарнома жўнатинг.